响澳洲應該點樣搞婚禮？
响澳洲搞婚禮需要做咩準備，有咩注意事項？响澳洲搞婚禮有咩婚禮場地選擇，有咩禁忌？响澳洲搞婚禮又大約要花幾多錢？冇咩TIPS可以慳錢 D？如果你有以上問題，就請繼續睇落去啦！
搞婚禮從來都唔係一件容易簡單嘅事，今日由我依個响澳洲從事婚禮七年嘅婚禮攝影師同大家簡單講下一D响澳洲搞婚禮嘅要點啦！
1. 做好計劃，定好時間表
距離婚期一年前
決定婚禮日期
大約預計一下婚禮賓客名單
決定婚禮場地地點
訂立婚禮BUDGET
距離婚期九個月前
決定Bridal Party名單，即是伴娘姐妹、伴郎兄弟，花仔花女名單
選定婚禮主持人 （Wedding Celebrant)
選定婚紗供應商，可以先試下婚紗，選定最喜愛及適合的款式
和婚禮場地地點Event Coordinator 溝通婚禮當天大致流程
籌備場地佈置
決定婚禮攝影師及錄像師，可先預約拍攝Engagement Photo 作Save the Date invitation 用
距離婚期六個月前
選定婚禮化妝及髮型師，記得要試妝啊！
選定婚禮花球及鮮花佈置
選定婚禮司儀，詳細計劃晚宴流程
選定結婚蛋糕Vendor
選定花車 （Limo)
發出Wedding Invitation, 把RSVP訂在婚禮前一個月
距離婚期三個月前
安排Bridal Shower/ Hens Night／ Stag Night 日子
約一天Bridal Party Meeting 讓大家了解婚禮當天流程和工作分配
安排晚宴的佈置
安排晚宴座位表
準備婚禮回禮小禮物
距離婚期一個月前
婚禮主持人 （Wedding Celebrant) 和BRIDAL PARTY及有關家人做一次Wedding Rehearsal
約見婚禮攝影師及錄像師再確認整天流程及細節
Bridal Shower/ Hens Night／ Stag Night 日子
正式確認賓客人數，和晚宴VENDOR 確認食物及酒水份量
婚期一個月後
發出THANK YOU CARD給所有賓客
2. 預早登記婚禮，設計婚禮誓詞
婚禮主持人需要在Registry of Births, Deaths and Marriage登記，澳洲很多婚禮，除了OFFICIAL的誓詞，也可以有個人化設定的誓詞，這方便可以預早和婚禮主持人詳細討論。另外澳洲婚禮在新人宣讀誓詞之前都會有講一下新人如何結識，愛情和婚姻的定義等內容，這部分也可以多和婚禮主持人溝通，讓婚禮主持人可以好好準備適合新人，及獨一無二的講詞。
3.婚禮用花，要配合四季及婚禮主題顏色
花球用花除咗要配合你婚禮嘅主題顏色，亦要配合四季天氣。依方面响約見你婚禮Florist 時一定記得問下有咩時花適合你嘅婚禮，另外有經驗嘅Florist 亦都會教你點可以令花球成日睇落新鮮D。
4. 化妝髮型，要配合面型、婚紗款式及場地
建議新娘選擇化妝髮型時，除了要配合自己面型同婚紗款式，也多考慮一下場地，例如海邊會好大風，髮型係長髮自然下垂是否合適？髮型同頭紗長度係咪配合，依D問題响同新娘化妝髮型師見面時一定要先溝通，決定一個最適合你嘅妝容同髮形。
5. 安排Engagement Photo Shoot, 預先熟習整天被拍攝
好多人其實唔係好習慣响鏡頭前做番自己，尤其新人成日都會有比較親暱動作，如果冇預先影一下Engagement Photo Shoot，婚禮當天新人表情動作多數都會比較生硬唔自然。所以我會建議大家選定攝影師後，預約一個Engagement Photo Shoot Session，通常都只會係一個小時，causal 衣著。你可以問下攝影師有咩心水景點，亦可以提議一個對你同伴侶有特別意義嘅地點，例如相識地點、第一次約會地點、經常拍拖時去嘅地方⋯⋯等等。影過Engagement Session,你就會更熟習點樣可以响婚禮當天自然又優雅被攝影師捕捉每一刻。Engagement Session拍出來嘅相，亦可以用來做Save the date Card，一舉兩得！
Comentários